Jaji munene guku vururiri Martha Koome niuritie rais Uhuru Kenyatta kwivitithia majaji 6 aria matigirwe riria majaji 34 gatagati ka majaji 40 aria mamuritwe ni commission ya magoti guku vururiri mevitithagua .
Akiaria muthenya wa umunthi vuva wa kwivitithua kwa jaji wa igoti ria gucokia cira riko Daniel Musinga ,koome augite majaji onthe aria mamuritwe ni commission ya magoti mavatie kwivitithua kuringana na watho wa vururi.
Koome ocete mathaga ma wathani kavinda karia ruvonge rwa magoti na ruria rwa excutive iri na ngucanio.Wauguo augite niwici mathina maria ruvonge ruru ruravitukira niundu rutiri na majaji a kwigana .
Kuringana na Koome, kavindari gaka igoti ria Appellate Court, riria rivatie gukorwa na majaji 30 riri na majaji 13 .
Kavindari wakau niwocete kanya kau gutetera magoti na kuga mavatie kuvewa wiyathi uria mavatie na gutiga gutonyererwa ta uria gukoretwe na vau mbere .Ongererete na kuga ruvonge ruru ruvatie kuvewa mbeca cia kwigana niguo mavote kuruta wira uria kuvatie.
Miario ya koome yukite wariria kuri na mucukumo kuma kwi andu, na ikundi itiganite ikiuria rais Uhuru kwamura majaji aya atandatau aria aregire kuvitukia vamwe na kuruta mwito ruvonge rwa magoti rutiwe.
A kavinda gakuvi kuruta mwito kuri rais ni aria mari manjanji anene a navau mbere David maraga na Willy Mutunga.
Kamuthenya Juniour
Mbica irutitwe online
