Maavitha a vorithi nimavotete kunyita mwikuirwa umwe wa uragani uria uravotete gutoroka aviritwe thivitari utuku wa igoro mwena wa Nakuru .
Ndumiriri iria ivecanitwe ni maavitha a vorithi mwikuira uria wicikene ta Francis Mwangi araviritwe thivitari na ugitiri urari mumatie ni maavitha a vorithi nwati avota gutoroka .
Kwirikite Mwangi arari na ndivangio cia kiongo na kithuri na maavitha a vorithi maramuvonoketie kuuma kwi marakara ma mwingi uria urendaga kumuuraga ,na ekirwa nvingu na ngari ino ya vorithi irari na maavitha 3 a vorithi na engi 3 marumiriria ngari ino, nwati maundu macejia riria Mwangi aragarurukire maavitha aya na gutua nvingu na avota gutoroka.
Mwingi uria urari na marakara kirauko kia umunthi nutharikire na kuvivia nyomba yake ,na mathari ma thaa inyanya anyitikana mwena wa Emboita varia maavitha a vorithi mamenyithirue na mekinyia na kumwikia ngono ringi.
Mwangi akuruvanitue na kuuraga mwiritu uria mari urata nake ,muthenya wa alamisi .
Wanja wa Njiru
Mbica irutitwe online
