World bank niivitukitie kuvecanwa kwa mukovo wa mwigana wa billion 80.9 kuri vururi wa Kenya cia gutethereria thirikari kwirungamirira nundu wa iringa riria vururi utigitwe nario ni murimu wa Covid 19 .
Mukovo uyu uria uvecanitwe rungu rwa Development Policy Operation urevokwa gukorwa ugitethia makiria , nvonge cia ugima wa mwiri,kithomo na energy iria ivutitue muno kuuma riria murimu wa COVID19 watuthukire.
Kuringana na murungamiriri wa World Bank vururi wa Kenya Keith Hansen mukovo uyu uri na itanya ria gukiriria utonga wa vururi uria ukoretwe uri nthi nundu wa kingoki giki.
Kunari uguo world bank niyendekithitie vururi wa Kenya kureta moogaruruku ari vamwe na gutumira mitarata ya kiriu iria iina wigiririki makiria thiini wa nvonge cia mwingi niguo kureta utheri utumiriri wa mbeca.
Wanja wa Njiru
Mbica iruritwe online
