Urari muthenya wa gikeno kuri ciana cia PMC cia Diocese ya Embu niundu wa gucemania vamwe niguo kuvoya na gukunguira mwaka uyu wa Muthure Joseph wa undumwe na mwoyo mutheru wa Maria, ngunguiro iria ciikikirite kanithari wa athure Peter na Paul Cathedral umunthi tariki 12 mweri wa gatandatu mwaka wa 2021.
Agitongoria igongona riri Muthikavu Paul Kariuki Njiru niuritie ciana ino gutuura na njira ya mwoyo mutheru wa Maria na makorwe makiendana mundu na uria wingi na kuthomithia andu aria engi wendo wa Kiristo.
Kavindari wa kau Fr Job Muriuki uria ni murungamiriri wa ciana diocesiri ya Embu, niuritie aciari kurera ciana na njira ya gikristu na wavo kuuria ciana gutia aciari ao.
Mwenari wao arimu a ciana ino kuuma parish ngurani nimacokeretia ngatho aciari a ciana ino nikurekereria ciana ciao niundu nimathoma maundu mengi ma vata.
Kunari uguo nimauritie aciari aria ciana ciao itanavota guka ngunguirori ino, gukaava ciana ciao kanya gaka mwaka muku wa 2022.
-Mbuya Ngari-
