Vururi wa Kenya nuthengutitie mukana uria urekiritwe wa kurigiriria thavari cia ndege kuuma ngeretha na riu ndege ino nicitikiritue kuuma Nairobi nginyagia Ngeretha.
Ndumiriri iria ivecanitwe kuuma kwi ministry ya maundu ma nja ya vururi yugite mawatho maria mavecanitwe ma kwigita kuumana na murimu wa Covid -19 nimarumbuitue .
Agendi onthe na aria marutaga wira ndegeri aria maguka vururi wa Kenya maumite ngeretha maravatara kwonania certificate ciao ikionania nimekiiritwe kithimi kia murimu wa Covid -19 na monekana matiri na virus cia corona,kithimi kiria kiagiriruwe gukorwa gikitwe kavindari ka mathaa 96 mbere ya mundu ambiriritie thavari.
Wauguo aria magaukaga vururiri wa Kenya maumite ngeretha makavatarika kwiiga varaca na andu aria engi vari kavida ka mithenya 7 na mekirwe kithimi gia Covid -19 mithenya 4 kuuma makinya vururiri.
Vururi wa Kenya wakanjiire thavari cia ndege kuuma tariki 9 mweri wa kanana vuva wa vururi wa Ngeretha gwikira vururi wa Kenya thiini wa Red list.
