Magavana nimavecanite mukana wa kuvingua gwa motungata ma vata thiini wa kaunti angikorwa ministry ya kigina ndigakorwa irekereretie mbeca kuri thirikari ino igikinya njumaa tariki 18.
Akiaria na andiki a movoro ari muciiri wa Nairobi, gavana wa kaunti ya Embu na uria nike mwenegiti wa kanju ya magavana Martin Nyaga Wambora augite ministry ya kigina niikoretwe ikiagarara watho na kurega gukinyaniria muvango wa kuvecana mbeca.
Wauguo augite ni wira wa ministry ya kigina gukorwa ikivecana mbeca kuri thirikari cia kaunti na ni undu wagiririte gikatiba. Wauguo murivi wa goti niavatii kuamukira utungata mukinyaniru.
Thirikari ino cia kaunti ciugite thirikari ya kivururi iina thiri waao wa ciringi bilioni 102.6, mari matigari ma mbeca iria mavatii kuamukira vuva ya ugai wa mbeca kuri thirikari ino cia kaunti na iria ciari bilioni magana mathatu ma ikumi na ithatathatu.5 (316.5. )
Riu magavana nimaugite nimaremetwe gukinyaniria utungata uria wagiririte ta kuriva micara ya aruti wira kavinda karia kagiririte niundu wa gucerethirua mbeca ino. Makiongerera utungata thiini wa thirikari niuthiite nambere wega niundu wa kuamukira mbeca ciao kavinda karia kagiririte guku cia thirikari cia kaunti igicererwa, ino ni kuringana na Wambora.
Kaari wa Mugendi
Mbica irutitue online