Mvuri mbiacara munene vururiri wa Kenya Dr. Chris J. Kirubi nukuite.
Kuringana na andu a mucii wake, Kirubi akuire thaa mugwanja cia muthenya umunthi muciiri gwake vuva ya ndwari ya kavinda karaca ya murimu wa Cancer.
Kirubi amenyekaniire ari na murimu wa Cancer mwaka wa 2016 na akuire athiururukiritue ni andu a mucii wake.
Atongoria ngurani matongoretue ni rais Uhuru Kenyatta ,mutongoria wa kiama kia ODM raila Odinga Mutongoria wa kiama kia Wiper Kalonzo na musalia mudavadi ni amwe a atongoria matumite ndumiriri cia gucakaya Kirubi.
Kirubi niagiite ngumo thiini wa mbiacara na gutumira mbeca ciake gukiriria miturire ya andu aria engi na nginya thiini wa nvonge cia umemerekia, uthondeki wa indo, urugamiriri wa indo na ugitiri .
Kirubi arari mwenegiti wa kambuni cia Haco Tiger Brands Kenya Limited, Capital Media Group, International House Limited, DHL Worldwide Express Limited, Nairobi Bottlers na Smart Applications International Limited gatagitiri ga ciingi.
Vindi ya gukua gwake, aratungataga thiini wa kanju ya kuvecana mataro nthi ngima ya Harvard kuria Massachusetts, vururiri wa Amerika varia muoroto munene wari wa kuvecana mataro kuri kanju ino maunduri megii kithomo gitaruri kia Afrika.
Kirubi akuite aina miaka 80 na atiga ciana igiri; Robert Kirubi na Mary Ann Musangi.
Kaari wa Mugendi
Mbica irutitue online
