Mutongoria wa vururi raisi Uhuru Kenyatta nutumite ndumiriri ya kumiriria mucii na arata a Nobel Laureate Professa Richard Samson Odingo uria urakuire akiamukira urigiti thivitariri imwe mwena wa Nairobi.
Professa Odingo ,ari munini wa mwenegiti thiini wa Intergovernmental Panel on Climate change riria muungano wa urumwe wa mavuririri waverwe nthumbi ya Nobel peace prize mwaka 2007 manyitanirite na uria wari munini wa raisi vururi wa America Al Gore.
Thiini wa ndumiriri yake raisi acakaite Professa Odingo ta muthuthuria waukiririe vururi kumenyekana nthi ciingi ,nundu wa itemi riake maunduri meggie gucenjia kwa riera.
Wauguo raisi akumitie Odingo na kuuga uthuthuria uria akoretwe agika nukorwa ugitethia muno njiarwa ciukite wariria nthi ngima ithiite na mbere na kuruwa na ucenjia wa riera .
Wavo nucokeretie ngatho mavururi maria makorirwe makinyitirira wira mwega wa Odingo na kumuva mweke kwonania umenyo wake wa wira.
Raisi wavo nuvoerete mucii wa Odingo thayu na umiriri kavida gaka matigitwe ni umwe wao.
Wanja wa Njiru
Mbica irutitwe online
