Mutongoria wa kiama kia aruti wira COTU guku vururiri Francis Atwoli niurutite miario yake vuva wa kibau kia varavara iria iretanitue nake kuvivua , utuku wa igoro mwena wa Kileleshwa.
Kuvitukira ndumiriri avecanite muthenya wa umunthi,Atwoli augite aria marekire giko giki magatura mathinagua nikio miturireri yao.
Kunari uguo Atwoli augite giko giki gitingimumakia kwona ni mundu wi ngumo nthi ngima.
Gicanjama giki kiyumiritie vuva wa Atwoli kuthurwa ringi muthenya wa igoro ta mumemba wa International Labour Organization Geneva Switzerland mwaka wa 2021- 2024.
Varavara ino iria navau kavere yamenyekaga ta Dikdik road yaverwe ritwa ria Atwoli agikumua ni wira wake mwega ni thirikari ya kaunty ya Nairobi.
Wana vuva wa kivau giki gwikirwa andu matecikene nimakirutire nwati Atwoli akianirira thirikari ya kaunty nicoketie kivau giki na gwikira camera ya CCTV kumurika aria magakithukangia.
Kuvivua gwa kibau giki nigututhurite mawoni matiganite ,varia raisi wa kiama kia mawakili Nelson Havi kuvitukira mutambo wa ukinyaniria wa kiriu augite giko giki ni gia kwonia Atwoli akenya nimarerewa maundu na matingivenererua ni ateti.
Wanja wa Njiru
Mbica irutitwe online
