vururi wa kenya niwandikithitie aruaru a murimu wa covid 19 magana manna ma mirongo itano na atandatu aruaru aria maumite kuma kuri ithimi ngiri ithano , magana matandatu ma mirongo iiri na ithathatu iria cikiitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 muthenya wa umunthi kiri 8.1 vari igana .
Namba ya aria manyitikanite na murimu wa covid 19 vururiri ikinyite ngiri igana rimwe ria mirongo mugwaja na atandatu , igana rimwe ria mirongo ithatu na mugwaja .
Kuma kuri namba ya umunthi akenya ni magana manna ma mirongo iiri na anna mirongo ithatu na airi makiuma nja ya vururi, magana mairi ma mirongo itandatu na atandatu mai anduarume guku igana rimwe ria mirongo kenda mari atumia uria munini muno ai mwana wa mieri iiri nake uria mukuru muno aina ukuru wa miaka mirongo kenda na iiri .
Ruvonge rwa ugima wa mwiri niruaniririte andu 7 gutorua ni murimu gikuo kimwe igikika mathaa mirongo iiri na manna mavituku guku nacio ikuo ithathatu ikianirirua iri ikuo njerere na gukinyia namba ya ikuo vururiri iri 3,428. .
.
Kaunti ya Nairobi 116, Kisumu 66, Busia 42, Siaya 30, Mombasa 28, Kilifi 26, Homa Bay 22, Bomet 18, Kakamega 18, Nyamira 12, Nakuru 10, Uasin Gishu 9, Trans Nzoia 9, Kisii 6, Meru 6, Kericho 5, Vihiga 5, Elgeyo Marakwet 4, Kiambu 3, Bungoma 2, Garissa 2, Turkana 2, Kajiado 2, Laikipia 2, Machakos 2, Makueni 1, Murang’a 1, Nandi 1, Narok 1, Taita Taveta 1, Tharaka Nithi 1, Migori 1, Embu 1 na Kirinyaga .
Mbica irutitwe online
Mwende Jackie
