Maavithaa a uthuthuria wa wikinai DCI nimagwatite andu athatu aria marekuirwa kugwatanira kugwata mugwate mundumurume wa miaka 79 mwena wa Kitale tariki 6 mweri wa gatandatu mwaka uyu.
Athatu ama aria ni Grace Kerubo Nyakundi, Samwel Atunya Makori na Richard Okari Matunda, maragwatirwe igoro utuku niundu wa kugwata mugwate Kennedy Bosire Nyabwari.
Kwirikite mundumurume uyu waagwatirwe mugwate Nyabwari, aumire mucii Kitale athiite Kisii mathaari ma 5:30pm na acokire avurire mutumia wake thimu thaa ithatu cia utuku kumwira niarara tauniri ya Kitale, mbere ya athiite Kisii muthenya ucio warumirire kiroko.
Mathaari ma thaa 8:30pm muthenya ucio warumirire nirio mutumia wake acokire kuvurirwa thimu ni andu ateci makimwitia million 2 niguo marekererie muthuri wake.
Vuva wa kuvura rivoti kuri maavithaa a vorithi mundumurume uyu niuravonokirue na ekuirwa ama kugwatwa.
Riu maavithaa a vorithi maracarania na mwikuirwa wingi uramenyekana ta Jackson Nyakundi Atei.
Mbica irutitwe online
-Mbuya Ngari-
