Cukuru wa mucingi wa Uhuru gicigo mbunge kia Ol Joro Orok kauntiri ya Nyandarua nuvingitwe vuva wa arutwa 8 kwonekana na murimu wa Covid 19.
Ndumiriri ino niikiritwe kirore ni minista wa ugima wa mwiri kauntiri ino John Mungai.
Riri ni rita ria mbere virus cia corona ikinyite cukuriri gicigori giki . Undu ucangiririte ruvonge rwa ugima wa mwiri mari ngwataniro na ministry ya maundu ma ndari ya vururi na iria ya kithomo gwoca itua ria kuvinga cukuru uyu.
Ithimi niciekirwe kuri arutwa vuva wa arutwa 70 gwikinyia dispensary ya Nyairoko ,magiturwa ni mimero na kuvarwa undu watumire aruti wira a ugima mwiri kumekira kithimi kia murimi wa covid 19 ndumiriri ino ivecanitwe ni ndagitari Mungai.
Wauguo augite arutwa aria monekanire na virus cia corona mari na urugari wa degree 39 riria mekinyiria dispensary, riu augite nwamarathii nambere gwika ithimi na nimareka uthuthuria thiini wa matangi ma manji maria mari cukururi ucio.
Ndagitari Mungai wavo aniririte arutwa a kirathi kia 5 nginyagia gia kanana magacoka cukuru tariki 21 mweriri nao aria mari irathi icio ciingi nimekara mucii vari kavida ka mithenya 10.
Riu niuritie maavitha ruvongeri rwa kithomo vururi mugima gutigira mawatho ma kwigita na murimu wa Covid 19 nimararumirirwa macukururi.
Wanja wa Njiru
Mbica irutitwe online
