Akenya aria matanayandikithia niundu wa kandi cia Huduma Namba nimakugia na mweke wa kairi kuyandikithia.
Akiaria na andiki a movoro umunthi mwaria wa thirikari Colonel Rtd. Cyrus Oguna augite thirikari makaavingura muvango uyu mithenya itari kuraca vuva wa kurikia mivango ya kumenya aria mayandikithitie na aria matayandikithitie.
Oguna wavo augite aria matari aamukiru card ciao matikamake. Kunari uguo niuritie akenya aria mayandikithitie kugira card cia riria maamenyithua magire.
Thirikari yugite niithondekete card cia Huduma Namba gatagati ka million 5.3 na million 5.5 nwati aria moocete card ino ni million 3.
Card ino itanyitwe kuthengutia kivande kiria kiratumirwa thaa ino kwambiriria mwaka wa 2022.
Mbica irutitwe online
-Mbuya Ngari-
