Raisi wa South Africa Cyril Ramaphosa niwaniririte mikana miceru iria ikiritwe ya kurigiriria gutamba kwa murimu wa Covid 19, vururi ukiruwa na mututhuko wa kathatu wa murimu uyu
Curfew ya utuko ikambagariria thaa inya, nacio iravu ciitikiritue kuvingurwa kuuma muthenya wa Jumatatu nginyagia muthenya wa Alamisi .
Micemanio ya mwingi itikiritue andu 50 iria irekika andu mari kundu ndari ,nayo iria irekika andu mari nja ni andu 100 etikirie .
Raisi Ramaphosa wavo augite nimarevoka kwamukira dose million 2 cia njanjo ya murimu wa covid 19 ya Johnson &Johnson igikinya muthia wa mweri uyu.
Wauguo augite vururi wa South Africa uri na uvoti wa kuva njanjo andu ngiri 150,000 wa muthenya, varia auritie aria makinyitie ukuru wa miaka 60 kwiyandikithia niguo mamudwe njanjo ino.
Gukinyagia riu, vururi wa South Africa wandikithitie makiria ma andu ngiri 80,000 aria monekanite na murimu wa Covid 19 nayo namba ya aria mumuditwe njanjo ya covid 19 ni ngiri magana manna ma mirongo inana.
Wanja wa Njiru
Mbica irutitwe online