Mwandiki munene wa muungano wa onjoria wa COTU nike Francis Atwoli riu niugite ndanakorwa agitindikiriria varavara iria iri Kileleshwa kuvewa ritwa riake.
Mutongoria uyu wa COTU aritie umunthi ari Nakuru, varia augite varavara iria yecikene ta Dik Dik road yaverwe ritwa Francis Atwoli road ni thirikari ya kaunti niundu wa itemi riria agwatite thiini wa ukuria wa tauni ino.
Atwoli augite angiti nike kana angiaurirue, angiacagurire varavara icikene muno niguo ivewe ritwa riake.
Miario yake yukite vuva wa kuvivua kwa ruvao ruria rurari varavarari ino na ruria rurari na ritwa riake, ndeto iria yekikire Jumaine ya kiumia giki.
Augite uyu ni wiru andu aria mavivirie mari naguo. Ino ni ndeto iyumiritie vuva wa Jumatatu ya kiumia giki Atwoli kuthurwa rita ria kana ta mumemba wa board ya utongoria wa muungano wa wira wa kiimavururi niguo International Labour Organization (ILO) governing body mwena wa Geneva (Jeniva), vururiri wa Switzerland, varia agutungata nginya mwaka wa 2024.
Mbica irutitwe online
