Vururi wa Kenya niuragumirwa ni unini wa njanjo cia murimu wa Covid-19 iria ivaterwe kuvecanwa ta dosi ya kairi kuri aruti wira a ugima wa mwiri undumwe na aria engi mari muvariri wa mbere kurua na murimu uyu.
Ino yukite vuva wa arigitani amwe guteta ni gutura njanjo ino ya kairi wanathengia wa kuurua maikinyie civitariri itiganite niguo guciamukira.
Kuringana na mwandiki munene vururiri, wa Kenya Medical Practitioners, Pharmacists and Dentists Union kana KMPDU, nike Dr. Davji Bhimji Atellah, arigitani ama maraikinyia civitariri nwati makerwa gutiri na njanjo ino.
Ino yukite wariria ruvonge rwa ugima wa mwiri rurauria mwingi gukorwa na ukiririria niundu nimeetererete dosi 350,000 gukinya vururiri kuma vururi wa Denmark.
Kavindari wa kau, thirikari ya Kenya niirarikiriria mivango ya makinyo maria magooca niguo kurigiriria gutamba makiria kwa murimu wa covid-19 gitaruri kia Nyanza na Western.
Makiria ma andu million imwe nimo maamukirite njanjo ya mbere ya Covid-19 namo 164,561 makiamukira njanjo ya kairi.
Mbica irutitwe online
-Mbuya Ngari-
