Atongoria matiganite aria marekinyitie thiini wa igongona ria kuririkana mwonjoria Chris Kirubi riria rikikire kanithari wa Faith Evangelistic Ministries Karen umunthi,nimamukumitie ni utana wake na wirutiri wake kureta uthiyi wanambere.
Akiaria igongonari riri, mutongoria wa Kiama kia Wiper Kalonzo Musyoka amukumitie ta mundu urerutaniritie kureta thayu vururiri wa Kenya na kunyitirira andu engi akiririkana migambo yake iria amwaririe na undu wacangirire Kalonzo gutonya giturwari kia munini wa raisi vururiri .
Mwenari wake mutongoria wa kiama kia ODM Raila Odinga wanake nukumitie Kirubi na kuuga ,nuuriritwe ni murata wake wa vakuvi na kumukumia ta mundu urendete vururi wake .
Racheal Ruto, uria uvecanire ndumiriri ya gucakaya Kirubi vanduri va munini wa raisi William Ruto numiriritie mucii wa Kirubi na gukumia utana wake uria augite ukaririkanagwa akimuririkana ni gukorwa arutire mamillion ma mbeca iria ciedekanaga thiini wa igongona ria kuvoera vururi.
Kirubi akathikwa rucio mugundari wake mwena wa Thika kauntiri ya Kiambu.
Chris Kirubi, uria urecikene muno ta DJ CK, akuire muthenya wa njumatatu mathaari ma thaa mugwanja arina ukuru wa miaka 80 vuva ya ndwari ya kavinda karaca ya murimu wa cancer.
Wanja wa Njiru
Mbica irutitwe online
