Mundumurume wa ukuru wa miaka 49 nuugwatitwe ni maavitha a DCI agikuruvanua na kunyita kia vinya ciana ciake cia ukuru wa miaka 4 na 6 mwena wa Eldoret.
Maavitha a vorithi metikitie ciana ino cianyamarirue riria mundumurume uyu uria uramenyekana ta Luka Rutto ekaraga nao ari wa wenga vuva wa gutigana na mutumia wake.
Kuringana na ndumiriri iria ivecanitwe ni maavitha a vorithi, mwarimu wa kirathi gia pp1 nike urathithuririe undu uyu vuva wa mwana uyu wa miaka 6 gukorwa ari na thina ya kuthii na gwikara akiriraga. kunari uguo mwana uyu ndanaumbura kiria avitukirite.
Wauguo arimu nimarathithuririe wana mwarwa ng’ina wa ukuru wa miaka 4 akoretwe na thina wa kuthii wega, na mavura rivoti kuri mwarimu munene uria uramenyithirie maavitha a uthuthuria giko giki na ciana ino ciavirwa thivitari wa Iten County Referral na kwonekana nimanyititwe kia vinya.
Riu ithe wa ciana ino avingiritwe gituori kia vorithi etererete uthuthuria wa ciira ino kurika.
Wanja wa Njiru
Mbica irutitwe online
