Motungata ma mwingi vururiri wa Kenya mavota kurungamua gwa kavinda. Ino ni vuva wa ngwataniro imwe cia aruti wira mvongeri ngurani cia thirikari kuvecana mukana wa kwiga miro yao nthi.
Atongoria a ngwataniro ngurani cia aruti wira mari vamwe mavecanite kimenyithia gia kwambiriria mugomo vanduri va mithenya 14 miuku vuva wa ruvonge rwa kuramata micara niruo Salaries and Remuneration Commission (SRC) kuga makarungamia mivango yonthe ya kwongerera micara vanduri va miaka 2 yukite.
Matongoretue ni Eanest Nadome uria ni munini wa mwandiki mukaru munganori wa COTU, atongoria acio morotete SRC na kuga matiri na rutha rwa gutua itua ria kurugamia wambatia wa micara ya aruti wira matagwatanirite na anyiti itemi aria engi.
SRC yugite itua ria kurungamia wongereri wa micara ya aruti wira riumanite na mathina maria maukanitie na mututhuko wa homa ya Corona.
Kavindari wa kau, atongoria acio maugite thirikari ntheri niyo ivatii kwaraniria na aruti wira ao ndeto ciigii uruti wa wira, micara na uvecani wa motungata ma mwingi.
Riu, gwetereretwe kwonekana niuriku ukaminjia mbere gatagatiri ka ruvonge rwa kuramata micara SRC na ciungano ngurani cia urumwe wa aruti wira.
-Muriithi Triple M
-Mbica irutitwe online