Raisi Uhuru Kenyatta nutumite ndumiriri ya gucakaya uria wari raisi wa vururi wa Zambia Kenneth Kaunda kuri raisi Edgar Lungu wa vururi uyu.
Uria wari raisi, Kaunda arakuire muthenya wa igoro ari na ukuru wa miaka 97 . Raisi Uhuru thiini wa ndumiriri yake augite vururi wa Kenya ,thirikari wanake ta mundu kiumbe nimaracakaya mutongoria uyu .
Wavo akumitie Kaunda ta mutongoria werutanirie kuruira wiyathi wa muafrica akiuga ari mutongoria wari na ugi na umenyo mwingi na uria wana vuva wa kuthenguta giturwari kia uraisi wathiire nambere kunyitirira gitaru kia Africa maunduri mengi .
Wauguo augite akaririkanagwa muno niuria arumbuirie ekari a vururi wa Zambia na kureta uthiyi wanambere gitaruri kia Africa.
Raisi Uhuru wavo eririte vururi wa Kenya nuranyitanira na vururi wa Zambia na ekari a vururi ucio kavidari gaka matigitwe ni mwendwa wao,kuri andu a mucii wa mutongoria raisi amavoerete umiriru kuuma kwi Ngai kavidari gaka karito.
Wanja wa Njiru
Mbica irutitwe online