Kampuni ya ndege ya Kenya Airways igakorwa igicokereria thavari cia ndege vururiri wa Ngeretha tariki 26 mweriri uyu.
Thavari ino cia ndege kuthii kivarori kia ndege kia Heathrow niikorwa igicokereria vuva wa kuthengutua gwa kurungamua kwa thavari ino ,kuuma kana kuthii united kingdom ni thirikari ya vururi wa Kenya.
Kuringana na Julius Thairu uria ni avitha munene wa kavida ruvongeri rwa commercial na customer kampuniri ino, augite gucokereria kwa thavari ino nigugukiriria wonjoria na kuvuthia ugendi miena ngurani kuri customers ao.
Wauguo nieririte nimakuthii na mbere gutungatira customers ao wega na gutigirira ni agitire.
Vururi wa Kenya na Ngeretha nimagwatanirite na kuthodeka mitaratara iria ivotithitie thavari cia ndege gucokereria .
Andu aria magakorwa makithii vururiri wa ngeretha nwanginya monanie certificate iria ironania matiri na murimu wa COVID 19 mithenya ithatu mbere ya mambiriritie thavari na wavo macarie mukawa uria makwiiga varaca na andu aria engi .
Nao andu aria magakoragwa maumite vururiri wa Ngeretha maukite Kenya magirirwe kwonania maumirira ma kithimi kia murimu wa COVID 19 kionanititie matiri na virus cia corona na kithimi giki, kiagirirwe gukorwa gikitwe vanduri va mathaa 96.
Wauguo makinya vururiri meige varaca na andu aria engi vari kavida ka mithenya 7 na makorwe makivecana wamuthenya ndumiriri iigie ugima wao wa mwiri vamwe na maumirira ma kithimi gia kairi kuri ministry ya ugima wa mwiri Jitenge platform vari kavida ka mithenya 14 kirumaniriri.
Wanja wa Njiru
Mbica irutitwe online
