Vururi wa South Africa niwambiriritie gutuma maavitha a mbiraru aria ni arigitani thiini wa icigo iria irandikithia namba nene ya aria maronekana na murimu wa COVID 19 niguo matethererie arigitani icigori ino, ino ni kuringana na ndumiriri iria ivecanitwe ni thirikari muthenya wa igoro.
Vururi uyu uraruwa na mututhuko wa kathatu wa murimu wa COVID 19 varia namba ya aria maronekana na virus cia corona ithiite nambere na kwongerereka.
Gauteng Province gikirika ni gicigo kimwe kiria gikoretwe gikiandikithia gicuji kia 60 vari igana kia andu aria maronekana na virus cia Corona wa muthenya.
Thiini wa ndumiriri yake kuvitukira mitambo ya ukinyaniria ya kiriu, minista uria unyitiririte ministry ya ugima wa mwiri gwa kavida Mmamoloko Kubayi augite metitie utethio, kuumana na kwongerereka kwa aria maronekana na COVID 19.
Maavitha aya a mbiraru marevokwa gutethia gwika ithimi na gucarania na aria matukanite na aria monekanite na COVID19.
Gukinyagia riu vururi uyu wandikithite andu makiria ma million 1.7 aria monekanite na virus cia Corona.
Wanja wa Njiru
Mbica irutitwe online
