Andu aria monekanite na murimu wa covid-19 vururiri wa Kenya makinyite 179,773 vuva wa andu engi 218 kwonekana na murimu uyu vari ithimi 2,577 iria ciikitwe rungu rwa mathaa 24 mavituku, ino ni kuringana na ruvonge rwa ugima wa mwiri vururiri.
Gukinyagia riu ithimi 1,907,096 nicio ciikitwe kuma riria murimu uyu wakinyire vururiri mwaka muthiri wa 2020 mweri wa kathatu.
Akenya umunthi ni 206 namo 12 maumite nja ya vururi, 117 ni anduarume namo 101 ni atumia. Uria munini muno ni mwana wa mieri mugwanja nake uria mukuru muno ni wa miaka 85.
Kaunti ya Nairobi niyo itongoretie na arwaru 119, Siaya 26, Kisii 20, Uasin Gishu 15, Homa Bay 10, Nakuru 6, Kajiado 4, Kakamega 4, Makueni 2, Nyandarua 2, Migori 1, Mombasa 1, Nandi 1, Vihiga 1, Bomet 1, Kericho 1, Kiambu 1, Kisumu 1, Laikipia 1 na Machakos 1.
Kavindari wa kau ruvonge ruru rwa ugima wa mwiri nirwaniririte andu engi 343 nimavorete varia 69 marari civitariri itiganite namo 274 marari muvangori wa kumenyererwa mari micii.
Namba ya aria mavorete riu ikinyite 119,589, varia andu 86,870 mavorerete muvangori wa kurorererua mari micii namo andu 31,992 kuma civitariri itiganite.
Undu wa kieva ni ati andu engi 5 nimakuite na gukinyia ikuu vururiri kumana na covid-19 iri 3,461.
Mbica irutitwe online
Mbuya Ngari
