Munene wa nthithango cia mwingi niugite niugucokia ciira riko niundu wa itua riria njanji munene wa igoti ria Kitui oocire ria kurekereria muvunjia uria woorotetwe na kugeria kuuraga mutumia umwe na mwana wake.
Mutarani munene Bonnie Okemwa augite ovici ya munene wa nthithango cia mwingi niiraregana na itua ria njanji Stephen Mbungi na niikuthii igotiri rinene gucokia ciira riko.
Muvunjia uyu aarekererue Jumatano kiumia kithiru tariki 16 mweri wa gatandatu mwaka wa 2021 undu uria wacangire uria wavutitue ni ngero yake kuuga nimaimwa kivoto giake.
Okemwa uria nike munene wa nthitango cia mwingi kauntiri ya Kitui augite ciira uyu ugacokua riko niundu wa mwana wa miaka 9 uria weekirwe waathe.
Ngero ino yekikire mwaka wa 2015 mweri wa 11 varia ntharikiro iyo yatumire mwana uyu atigwe na wathe wa kwigua na gutu gwake kwa umutho, atakwona na atari na uvoti wa guitwara na maguru make.
Mbica irutitwe online
