Uria wari mumbunge wa Gem Jakoyo Midiwo akathikwa muthenya wa Jumamosi tariki 26 mweriri mucii gwake Akala kaunti ya Siaya. Ndumiriri ino ivecanitwe ni muruwanyina Ndagitari George Midiwo.
Jakoyo amatirwe ni ndwari na akivirwa thivitari wa Nairobi nwati avuruka tariki 14 mweriri.
George augite kamiti ya mathiko ya Gem, Kisumu na kaunti ya Nairobi nimathiite na mbere na mivango ya mathiko niguo gutigirira Jakoyo niwaumagarua na njira mbega na gitio kiria kimuvatie.
Kunari uguo ndavecanite muthenya uria mwiri ukavirwa kauntiri ya Siaya nwati augite andu a mucii nimathiite na mbere na kuvanga.
Wauguo augite andu a mucii nimaraaraniria na thirikari nene maunduri megie andu aria magetikirua gwikinyia mathikori mama ni kwona gicigo giki gikoretwe gikiruwa na kwongerereka kwa gutambua kwa murimu wa Covid-19 nwati augite nimarekira mitaratara ya kurumira mawatho ma kwigita na virus cia corona, maria mavecanitwe ni ministry ya ugima wa mwiri.
Mbica irutitwe online
Wanja wa Njiru
