Vuva wa watho uria wedekithitie ambunge na MCAs gukorwa na mathomo ma degree niguo mavote kuvuranira iturwa ino, watho uria wivoketwe gutumika kithuranori giuku ,riu ciira niciambiriritie gukinyua igotiri cia kuregana na riedekithia riri.
Thiini wa ciira ya mbere iria ikinyitwe igotiri ni Gloria Orwaba augite watho uyu nuragarara katiba na kuuga watho uyu nurareta maurito kuri aria maravuranira iturwa ino .
Wavo augite watho uyu gutumika nukureta ngau na muthutukanio gatagati ga akenya ni kwona kuri na akenya mari na kiveo gia utongoria nwati matiri na mathomo ma degree.
Augite gicuji kia 22 kia watho wa ithurano wa 2011 gitikoragwa gikivecana watho wa wonthe wigie kiria mundu athomerete .
Ciira ya kairi yandikithitue ni Sheria Mtaani magwatanirite na wakili Shadrack Wambui kuvitukira wakiri Danstan Omar aria maugite mututhuko wa murimu wa COVID19 niwarigiririe akenya engi ari mari na itanya ria kugia degree mwaka wa 2020 nundu wa kuvingwa kwa macukuru .
Mwenari wao arungamiriri a wardi maugite watho wa gukorwa na mathomo ma degree kuuma university niundu ugukorwa ugicenjia wendi wa andu .
Wanja wa Njiru
Mbica irutitwe online
