Atongoria a giuteti nimavetwe mukana gukorwa matakwagarara mawatho maria mavecanitwe ma kwigita kuumana na murimu wa Covid 19.
Ni miario irutitwe ni commissioner wa gitaru kia irathiro Isaiah Nakoru vindi ya kuthundura campaign ya kwereithia mwingi ndumiriri cia murimu wa Covid 19 ari tauniri ya Embu .
Wauguo augite ateti aria makuthiyi nambere na kwagarara mawatho mama magekoraga ugwatiri varia augite kuri na ateti maikitwe ngono nundu wa kwagarara mawatho mama, riu akimauria kunyitanira na thirikari mbarari ya murimu wa Covid 19 niguo vururi utorie kingoki giki .
Nakoru nuuritie mwingi gukorwa matakuvuthiriria mawatho ma kurigiriria gutamba kwa virus cia corona niguo matikeingirie ugwatari wa murimu uyu varia orotete atwarithia a ngari ari makoretwe magikua athiyi engi makiria, na riu augite maavitha a vorithi nimagukorwa metho na gwikia ngono aria maragarara mawatho mama .
Kuringana na Nakoru thiini wa gitaru kia irathiro kaunti iria ikoretwe ikiagarara muno mawatho ma covid 19 ni Machakos, Kitui na Meru.
Wanja wa Njiru
Mbica irutitwe online
