Mithenya iri vuva wa munini wa raisi William Ruto kuuga ni unyitanite na kiama kia United Democratic Alliance UDA , Kiama giki riu kiugite uguo ti kuuga Ruto akavuranira giturwa kia uraisi na kiama giki ari wa wenga kana kuvewa direct nomination ticket.
Kuringana na mwandiki mukaru wa UDA Veronica Maina augite angikorwa kuri na avuraniri engi makeyumiria nwanginya Ruto agakorwa akingira thiini wa ithurano nini cia gucagura muvuraniri wa giturwa kia uraisi na kiama kiu.
Ruto anirire gukorwa ari kiamari giki vindi ya icera riake kauntiri ya West Pokot.
Kunari uguo atongoria matiganite kiamari kia UDA maugite Ruto kwanirira gukorwa akigwatanira nao ti kwonania nike ugakorwa ari muvuraniriri tu wa giturwa kia uraisi nwati agakorwa akirumirira mitaratara iria iri kiamari giki.
Ndeto makiria ikiuga munini wa raisi akoretwe akiona ngwataniro ya kiama kia Jubille na ODM iri na itanya ria kumurigiriria gutuika raisi wa vururi thiini wa kithurano kia mwaka wa 2022.
Wauguo rivoti ino Ruto avecanite iigie murangamo wake kiamari giki kwirikite nigugututhura ndereti itiganite ciigie mawatho ma ciama cia uteti .
Wanja wa Njiru
Mbica irutitwe online
