Ekari a itura ria Kamunyange Mbeere ya Itherero kauntiri ya Embu, nimatetete nundu wa kurimirwa varavara nai ya Mecca kuthii Kamunyange ,makiuga varavara ikiritwe mathiga maria mamaumiritie uthiyi makiria na gucangirira mitinu gwikika.
Wavo makaite ni kwona varavara ino yarimirue vindi ya riua rinene undu wongererete rukungu rwingi guku makiuga mari ugwatiri wa kwamatwa ni mirimu itiganite.
Kuringana na Boniface Muthee mwikari wa guku augite makoretwe makiririrua miaka mingi makathodekerwa varavara ino na gwikirirwa rami nwati metererete makanoga.
Riu nimauritie atongoria ao kwiyumiria na kumavingiria ciiraniro iria mameririre ni kwona aria akuru guku makorwa na maurito mengi gwikinyia kundu gutiganite nao onjoria mathiite nambere na gutara ngarama nitondu indo iria mendagia imakinyagira na thina mwingi
Mwenari wake MCA wa Mbeti South Muriithi Kiura augite varavara ino niyambiriritie kuthondekwa uceru ni mumbunge wa Mbeere ya Itherero Geoffrey King’angi.
Wanja wa Njiru