Ruvonge rwa ugima wa mwiri rugatumira million 800 niguo kuva njanjo ciana million 3.5 niundu wa murimu wa kithuku vururiri.
Njanjo ino ya kithuku ikavewa ciana gatagati ka ukuru wa mieri 9 na 59 na iria ikavecanwa kauntiri 22 iria iri ugwatiri makiria, ndeto iria irarumbuuwa ni muungano wa ugima wa mwiri nthi ng’ima (WHO).
Kuringana na mutethereria wa minister wa ugima wa mwiri vururiri Dr Mercy Mwangagi, vururi wa Kenya uri ugwatiri wa murimu uyu wa kithuku uria urerikana wongererekete niundu wa mututhuko wa covid-19.
Kambini ya uvecani wa njanjo ino ikavingurirua Kajiado muthenya wa Jumaa tariki 25 mweriri na uguo Mwangangi niuritie aciari onthe gwoca mweke uyu niguo ciana ino ivewe njanjo.
Mutaratara wa ruvonge rwa ugima wa mwiri uvecaniri wa njanjo ya kithuku ni ati dosi igiri nicio ivatie kuvecanwa, ya mbere mwana aria na ukuru wa gatagati ka mieri 9 na 12 na ya kairi mwana ari gatagatiri ka ukuru wa mieri 18 na 24.
Murimu wa kithuku niguo wa kathatu gatagatiri ka mirimu ingi, uria utumaga ciana nyingi ciurirwe ni mioyo yao.
Mbica irutitwe online
-Mbuya wa Ngari-
