Thirikari nivingite cukuru imwe ya kiithilamu ya sekondari mwena wa Sagana kauntiri ya Kirinyaga na arutwa makiria ma 100 matumwa micii , nundu wa gukorwa itarimandikithie.
Kuringana na munini wa kaunty commissioner Moses Ivuto augite murungamiriri wa cukuru ino ya Tahfidh Ul Quran niwikitue ngono .
Wauguo Ivuto nuvete mukana aria makoretwe mari na macukuru nwati matiandikithitue thiini wa ministry ya kithomo varia augite nimagukorwa magicemania na watho.
Mwenari wake murungamiriri wa kithomo Ndia subcounty Kamemba Kamande augite murungamiriri wa cukuru ino niagukorwa agikinyua igotiri na kuthitangwa na ivitia ria gukorwa agitwarithia nambere cukuru itarimandikithie na gukorwa atakurumirira mwatho maria mavecanitwe ma kwigita na murimu wa Covid 19.
Murungamiriri uyu wa cukuru ino, avingiritwe station ya vorithi ya Baricho Kirinyaga ya ithuiro .
Wanja wa Njiru
Mbica irutitwe online
