Igoti ria wandikani na uruti wira nirirutite watho wa gucokia wirari, murungamiriri wa kampuni ya cukari ya Nzoia Michael Makokha guku agieterera ciira uria akuruvanitue naguo kuthikirirua na gutuiwa.
Makokha ekinyirie igotiri vuva wa kurungamua wira ni minista wa urimi Peter Munya akiregana na itua riri na kuuga ni mugaru na katiba. Kuvitukira wakili wake Bryan Khaemba augite amukire marua tariki 7 mweri wa gatandatu mwakari akirungamua wira kwambiriria tariki 10 vari kavida ka mieri ithatu
Akivecana wamuri uyu mucirithania Onesmus Makau augite watho uria avecanite nukorwa ukirumirirwa vari kavida ka mithenya 21.
Kuringana na ndumiriri iria ivecanitwe igotiri murungamiriri wa kampuni ino arungamirue wira niguo uthuthuria wikwe iguru ria mateta maria makoretwe makivecanwa ni arimi gukorwa matarivitwe thiiri uria ukinyite million 700.
Wanja wa Njiru
Mbica irutitwe online
