Manjanji mugwanja nimavetwe wira ni rais wa igoti ria gucokia ciira riko Daniel Musinga wa kuthikiriria ciira ya BBI.
Ciira uyu niuthikirirua mithenya ina kuuma tariki 29 mweri uyu wa gatandatu nginya tariki 2 mweri muku wa mugwanja.
Manjanji ama mugwanja ama ni njanji Daniel Musinga, njanji Roselyn Nambuye, Hannah Okwengu, Patrick Kiage, Gatembu Kairu, Fatuma Sichale na Francis Tuiyott.
Ino yukite vuva wa rais Uhuru Kenyatta, ovici ya kiivururi ya BBI na commission ya mivaka na ithurano IEBC kwandikithia mateta ngurani makiregana na itua riria igoti rinene riavecanire igeriari ria gwikira katiba moogaruruku varia maugire BBI ni mugaru na katiba.
Manjanji atano a igoti rinene matuire itua atirais ndari na uvoti wa kwambiriria moogaruruku thiini wa katiba na rais angiambiriri moogaruruku mama kuvitukira munene wa watho thiini wa mbunge iri ta undu urendwa gwikwa ni mbunge.
Mbica irutitwe online
-Mbuya Ngari-
