Akenya aria mandikithitue kiimavitia thiini wa ciama cia giuteti nimataritwe kwandikithia mateta mao niguo marutwe ciamari ino.
Thiini wa ndumiriri kuri nyomba cia movoro umunthi njumaa, ovici ya commissioner wa kugitira ndumiriri cia andu niyuritie aria mataandikithitie mateta makorwe makiandikithia.
Commissioner wa kugitira ndumiriri Immaculate Kassait niuritie akenya aria navutitue ni ndeto ino gukorwa na ukiririria na wavo niwiriririte akenya ati ovici yake niigwoca makinyo ma kugitira ndumiriri ciao kiumbe.
Augite nimacemanitie na ovici ya kurumbuiya maundu ma ciama cia giuteti vuva wa kwamukira makiria ma mateta 200 kuma kuri akenya aria maandikithirue ni amemba a ciama ngurani matari na umenyo.
Ino yukite vuva wa kiumia kithiri akenya guteta kuvitukira mitambo ya kiriu ya ukinyaniria uvorori wigie ndeto ino.
Akenya ama moorotaga ovici ya kurumbuiya maundu ma ciama cia giuteti wa vamwe na ciama ino cia giuteti niundu wa kwagarara watho wa kugitira ndumiriri cia akenya.
Muvici wa mutongoria wa kiama kia ODM Raila Junior ni gatagati ka akenya aria maandikirite ovici ino ya kurumbuiya maundu ma ciama cia giuteti niguo mamurute kiamari kiria andikithitue kia ANC.
Mbica irutitwe online
