Mwandiki munene wa kiama kia arimu vururiri Kenya National Union Of Teachers (KNUT) Wilson Sossion niwatiga wira.
Sossion avecana ndumiriri ino muthenya wa umunthi thiini wa gikaro na andiko a movoro varia augite nukunyite muthia nundu wa thirikari kurega kunyitirira utongoria wake.
Thiini wa gikaro giki ni andu ake a mucii marari vamwe nake ta mutumia wake na ciana mwati maavitha a KNUT matinekinyia.
Sossion numenereretie uria thirikari ikoretwe igikanyiriria maavitha a KNUT na kurega kumarungamirira uriviri wa cardi cia NHIF.
Kunari uguo nucokeretie ngatho ari makoretwe makiruta wira thiini wa kiama giki wanagukorwa matikoretwe makirumbuuwa na njira iria yagiririkite.
Wauguo Sossion augite nukenete ni maundu maria avotete gukinyaniria agitungata kiamari kia Knut varia augite ruvonge rwa kithomo nirucenjetie , undu utumite cukuru cia thirikari gukorwa na maumirira mega kuuma kuri arutwa .
Sossion agukumire giturwari kia mwandiki munene wa KNUT mwaka wa 2013 vuva wa gikuo kia David Okuta.
Gutiga wira gwake gukite muthenya umwe tu, mbere ya ithurano cia KNUT vururiri gwikika,ithurano ino irevokwa gugekika muthenya wa rucio.
Wanja wa Njiru
Mbica irutitwe online
