Mutongoria wa vururi raisi Uhuru Kenyatta nutumite ndumiriri ya gucakaya Mama Dorcas Pedelai Ntimama uria urari mutumia wa mutigairi Willima Ole Ntimama na uria urakuire utuku wegoro ari thivitariri imwe Nairobi.
Thiini wa ndumiriri yake kuri andu a mucii wake, arata na aria makonenie nake, amucakaite ta mutumia urai na wirutiri thiini wa wira wake na urerutanagiria gutigirira kwina uthii wa wanambere.
Wavo amukumitie ta mutumia urari na urata na aria marekaranagia nake na arari muvariri wambere gutigiria kwina thayu na wigucano thiini wa itura riake .
Raisi Uhuru augite mama Dorcas akaririkanagwa ni vururi mari na muthuri wake Ole Ntimama nundu wa utongoria wao mwega mwena wa Narok.
Raisi nuvoerete mucii wake thayu na umiriri kavindari gaka karito matigitwe ni umwe wao.
Wanja wa Njiru
Mbica irutitue online
