Kuuma riria murimu wa Covid 19 watuthukire vururiri wa Kenya nvonge ngurani niciavutirwe na njira nene.
Thivitari wa Consolta Kyeni wanaguo nwatigwa vuva undu wacangirire thivitiri ino gutumira mbeca iria meeigirite ta muthithu niguo kurua na murimu wa Covid-19.
Muthikavu wa Diocese ya Embu Paul Kariuki Njiru augite nimathiite nambere kunyitira thivitari ino vuva wa NHIF kurega kurungamirira urigitani wa Corona nwati murigo uyu ni murito makiria .
Miario ya muthikavu niinyititwe mbaru ni murungamiriri wa thivitari ya Kyeni vatiri Dominic Mugo uria ugite gutungatira aruaru a covid-19 ndukoretwe wi undu muvuthu.
Kunari uguo murigo uyu riu nuvuthavuthitue vuva wa Banki ya Equity kwirutira na kuuva thivitari ino indo cia gutumirwa ni arigitani vindi iria mari wira (PPES).
Riu bank ya Equity nicokeretue ngatho nundu wa gukorwa magitethereria muno mbarari ya Covid COVID 19.
Thivitari ya Consolata Kyeni yamukirite utethio uyu vindi ya mambura ma gukunguira thiguku ya Muthure Maria Consolata, mwikaria wa thivitari io.
-Wanja Njiru
