Atumia onthe na makiria aria mari gikundiri kia CWA (Catholic Women Association) nimauritue kugwatanagira na atumia aria engi niguo guikuria na njira itiganite kuvitukira gutarana na kuvoya vamwe.
Ino ni miario yaritue ni atumia aria maracemanitie muthenya wa njumamosi tariki 26 mweri wa gatandatu mwaka wa 2021 thiini wa macindano ma atumia a CWA kanithari wa athure Peter na Paul, Karurina.
Makiaria na kameme ga Kimuri FM atumia ama maugite ni gikeno gukorwa magicoka withiri niundu wa mithako ngurani iria marari nayo ta gutuva mukanda, kuvinyura na itumbi riri gicikori, kuvinyura cross country na gutwika nyimbo ngurani ngurani.
Maugite gukorwa na mithako ino nikumanyivagiria stress nyingi iria mundu angikorwa nacio nauguo kuuria wana athuri kuthondeka ngwataniro ta ino niguo mundu kugia na mweke wa kunyivia mathina ma kimeciria.
Igongona riri ria macindano rirambiririe na igongona ria mitha riria riratongorirue ni muthikavu Paul Kariuki agitethagirirua ni murungamiriri wa atumia diocesiri ya Embu vatiri Amedeus Mugendi.
-Mbuya wa Ngari-
