Diocese ya Embu niikunguirite ekaria a diocese ino athure Peter na Paul muthenya wa igoro njumaviri, ngunguiro iria ciikikaga tariki 29 mweri wa gatandatu wa mwaka. Ngunguiro ino iria irekikire parishiri ya Kevote iratongorirue ni John Cardinal Njue agitethagirirua ni muthikavu wa Embu Paul Kariuki Njiru.
Ino irari ngunguiro ya miaka 35 kuma diocese ino yambiririe mwaka wa 1986 na varia John Cardinal Njue atwirwe muthikavu wa mbere wayo.
Muthikavu Kariuki niuritie akristu diocesiri ya Embu kurumirira muvano mwega wa athure Peter na Paul, niguo kurumirira Ngai matakuguagua na mari na wirutiri mwingi niundu mathina nwanginya makorwe mevo ma kumaruta wegari wa Ngai.
Wavo niuritie akristu kuvoyaga mavinda kwa mavinda na gukorwa magiika ciiko cia ntha niguo wega na watho wa Ngai uvote kuvinga.
Kavindari wa kau, akristu a parish ya Kevote Diocesiri ya Embu nimarakunguagira miaka 93 kumu kwambiriria gwa parish ino na nimauritue kuthii nambere kurimira witikia.
-Mbuya Ngari-
