Ataalamu a maundu megie ugima wa mwiri mavota kwedekithia dose ya kathatu ya njanjo ya murimu wa COVID 19 ino ni vuva wa uthuthuria uri wikitwe ni Oxford University kwonania dose ya kathatu nirongerera vinya wa mwiri kuruwa na makari ma virus cia corona.
Wauguo uthuthuria wonanitie kavida karia njanjo ya mbere na ya kairi ikoragwa ikivecanwa ndungicangirira thina mwiriri wa kuruwa na makari ma virus cia corona.
Njanjo ya Astrazeneca iria ikoretwe ikivecanwa vururiri yendekithitue dose ya kairi kuvecanwa ciumia 8 vuva wa dose ya mbere nwati nundu wa gucerithirua kwa njanjo ino ya kairi ikigendagedua nginya ciumia 12 na 16.
Kuringana na uthuthuria uria wikitwe dose ya kathatu nigukorwa ikiva mwiri vinya mwingi wa kuruwa na virus cia corona.
Nwati kuringana na Ndagitari Willis Akhwale ,murungamiriri wa njanjo ,augite uthuthuria uyu ni mwega nwati uthuthuria makiria wagirirwe gwikwa niguo kumenya kavida karia kagiririku ga kuvecana dose ino ya kathatu.
Wanja wa Njiru
Mbica irutitwe online
