Maavithaa kuuma ruvonge rwa uthuthuria wa wiki naai nimaikitie ngono ekuirwa airi, varia umwe waao aretucaga mutumia na aria makoretwe makinyamaria atengeri kuria mwena wa Lang’ata.
Peter Omweno Momanyi, uria wiina miaka 24, araikirue ngono ekirite nguo ta mutumia varia maranyitirue vamwe na John Muchiri Kimani wa miaka 25 na uria uraregire kurumirira watho wa maavithaa a vorithi wa kurugama.
Maavithaa nimatariritie nimaroniire kwiina undu utarari mukinyaniru na mwonekaniire wa Momanyi na nivo maramavere watho wa kurugama nwati mambiriria gutengera.
Airi aya maraikirue ngono vakuvi na ndaraca ya Mbagathi na matharaita manyitikana kumana naao. Momanyi aranyitikanire aina kaviu na nyororo ithithitue njoverori.
Maavithaa aya nimarikitie kumenya airi aya ni gatagatiri ka ekuirwa aria makoretwe makitharikira andu aria makoretwe magiika mazoezi ma mavenya varavarari cia Lang’ata na Mbagathi mathaari ma kiroko na kivwai.
Airi aya nimakinyitue igotiri umunthi.
Mwingi uria uriritue ni indo ciao cia vata njarari cia airi aya niuritue gwikinyia stationiri ya vorithi ya Lang’ata.
Kaari wa Mugendi
Mbica irutitue online
