Uria wari munene wa watho Githu Muigai nureganite na itua ria igoti rinene ria kuregana na rivoti ya BBI akiuga itua riri nwarirete mbukaniriro vururiri.
Akiaria muthenya wa umunthi ,arungamiririte commission ya ithurano na mivaka IEBC augite angikorwa watho uyu igoti riavecanire nukurumirirwa guku nikuvariria mbara.
Wauguo augite itua riu niriagararire mawatho mengi ma katiba .
Professa Githu ongererete igoti rinene niriakorirwe rigikinyangira nthi wiyathi wa IEBC.
Wauguo erite igoti ria gucokia ciira riko ,wiyathi ti wa ruvonge rwa ucirithania rutheri nwati nvonge cionthe iria iri kuo gikatiba .
Umunthi ni muthenya wa kairi wa kuthikirirua gwa ciira cia rivoti ya BBI iria ikinyitue igotiri ria gucokia ciira riko.
Ciira ino irathikirirua ni manjanji mugwanja matongoretue ni Daniel Musinga.
Wanja wa Njiru
Mbica irutitwe online
