Rais wa kiama kia mawakiri Kenya LSK Nelson Havi, niukumite itemi ria rais Uhuru Kenyatta thiini wa gwika katiba moogaruruku kuvitukira bill ya BBI.
Akirungamirira LSK igotiri ria gucokia ciira riko umunthi, Havi augite guiteterera kwa rais Uhuru ati ambiririe moogaruruku mama ma katiba ta raiya kiumbe na ti ta thirikari, gutiragendania na watho.
Undu umwe uria wacangire BBI kureganwa nayo ni gukorwa rais Uhuru akinyita itemi kwambiriria gwika moogaruruku mama ma katiba wira uria uvatie kwambirirua ni Wanjiku.
Kunari uguo, mawakiri aria maramurungamirire muthenya wa igoro maraugire aari na kivoto gia kuyereithia nwati mweke ucio ndwanavecanwa kuri ke ni igoti rinene.
Havi umunthi augite ni undu utangivotekeka rais gukorwa na giturwa kiria kiramuva vinya wa urais na kugia na moovoti ma Wanjiku rita wa rimwe.
Wavo Havi augite mawoni ma mwingi ni undu wari na vata muno thiini wa moogaruruka ma katiba nwati akenya matianavewa mweke ucio thiini wa kuvirithia na mbere ndereti ino.
Ciira uyu nwauthiite nambere igotiri ria gucokia ciira riko.
Mbica irutitwe online
