Maavitha a vorithi vururiri wa Uganda nimagwatite arigitani airi gikiro kia nurses na nimaracarania na mundumurume uria uraitucaga murigitani gikiro kia ndagitari niguo kwendia na kuvecana njanjo cia maveni cia murimu wa covid-19 kuri magana ma andu, ino ni kuringana na maavitha a vururi uyu uria maugite umunthi.
Mwikuirwa uyu niuravotete kwaraniria na kambuni nyingi niguo kurivira andikwa oa mavewe njanjo varia ararivagia gatagati ka ciringi 100,000 na 200,000 cia Uganda niundu wa njanjo imwe.
Kuringana na ndagitari Warren Naamara uria ni munene wa ugima wa mwingi augite marua iria cionekanite cionanitie andu matanyivirite 812 nimavetwe njanjo ino nwati augite namba ino nwa ikorwe iri makiria ya uguo.
Ino yukite wariria arwaru a murimu wa covid-19 vururiri uyu mathiite nambere na kuongerereka wa undumwe na ikuu, kuuma mweri wa gatano ukithira.
Mbica irutitwe online
