Kamiti ya watho mbungeri ya Senate niivitukitie bill iria yambirirue ni Senator Kipchumba Murkomen iria irauria kurutwa kwa watho uria urauga nwanginya mundu akorwe na degree niguo avote kuruira giti kia MCA na kia mumbunge.
Kamiti ino itongoretue ni Senator Okongo Omugeni niyugite bill ino niikuthiria muthutukanio riria andu marenda gwitia iti ino na ivatie kwambiriria kuruta wira mbere ya kithurano kinene kia mwaka wa 2022.
Senator Murkomen arauria gucenjua kwa gicunji kia 22, gacunji ka mbere ka watho wa kuthurana karia kaugaga nwa nginya mundu akorwe na degree niguo kuvuranira iturwa ino na iria cia kuthukua.
Bill ino yavitukua ni mbunge ya senate, ikavotithia andu aria mari na uvoti wa kwaria na kwandika kithungu na kithweri na aria mataragia nwati nimeci gutumira ciiko, kuruira iturwa ino.
Ino yukite mithenya minini vuva wa mwenegiti wa Commission ya kurungamirira mivaka na ithurano kwanirira gutiri mundu ugetikirua kuvuranira giturwa wakionthe atari na degree.
Mbica irutitwe online
