Maavitha a vorithi vururiri wa Uganda nimaikitie ngono ekuirwa anna aria makuruvanitue na gukorwa matharikire na kuratha minista wa ukui Katumba Wamala.
Mwikuirwa umwe nuuragitwe ,akiregana na gwikua ngono.
Kuringana na ndumiriri iria ivecanitwe ni maaavitha a vorithi ekuirwa aya marakoretwe makithomera thiini wa kambi imwe iria ikoretwe ikivecana mathomo kuri ikundi cia uregani kuria Democratic Republic of Congo.
Wauguo maugite gikundi giki kiri na mivango ya kwambiriria ntharikiro vururiri ucio.
Matharaita maria mekuiritwe gukorwa matumikire kuratha minista uyu vamwe na indo cia kuthondeka ituthuki niinyitikanire vindi ya gwikua ngono gwa ekuirwa aya.
Mwiritu wa minista uyu vamwe na ndereva wake nimakuire thiini wa ntharikiro ino ,undu wacangirire raisi Yoweri Museveni kuruta watho kuri nvonge cia ugitiri gwika uthuthuria wa ntharikiro ino .
Wanja wa Njiru
Mbica irutitwe online
