Mutarani munene John Khaminwa umunthi uyu niuritie manjanji mugwanja aria marathikiriria ciira ya BBI gutecaniria ciira wa rais Uhuru Kenya niundu wa guturira gitio manjanji na magoti.
Dr Khaminwa uria ukurungamagirira commission ya ivoto cia akenya vururiri muthenyari uyu wa kana wa ciira ino, augite ati vuva wa kurega kuvitithia manjanji ana aria mathuritwe ni commission ya magoti, rais Uhuru niwonanirie guturira igoti gitio.
Augite riari itua ricuku rais guturira manjanji gitio na gwikinyia wa igotiri riri akienda athikirirue.
Erite manjanji ama gutecaniria riendekithia ria rais Uhuru na mamwire avire mendekithia make igotiri ringi nwati ti riri.
Khaminwa auritie igoti kugitira katiba kumana na ateti aria mari na uyendi aria marenda gutumira njira mugaru na katiba kugarura mawatho.
Khaminwa ni umwe wa mawakiri aria maraikinyia igotiri ria gucokia ciira riko makirungama na itua riria igoti rinene riocire ria kuuga BBI ni mugaru na katiba.
Mbica irutitwe online
