Maavitha ruvongeri rwa kurua na ungumania Ethics and Anti-corruption Commision (EACC) nimaraikirie ngono avitha wa vorithi wa ngathi ya iguru mwena wa Nakuru kivwai kia muthenya wa igoro.
Avitha uyu uria uramenyekana ta Anne Karori uria ni OCS araikirue ngono agikuruvanua na ungumania .
OCS uyu arere stationiri ya vorithi ya Railways tauniri ya Nakuru.
Kuringana na umwe wa athuthuria kuuma EACC niati marakorirwe makiamukira mateta kuuma kuri mwingi maria makoretwe makiorota OCS uyu na ungumania, nwati niagukorwa akiurua ciuria ciigie mavitia maria akuruvanitue namo.
Gwikua ngono gwake nigwikiritwe mukonde ni munini wa komanda wa vorithi Nakuru, Joseph Tonui varia augite ndeto makiria niikuvecanwa .
Kwamatwa gwa OCS uyu gukite mweri umwe vuva wake kwiirwa makiri ma mbeca iria aigite mucii gwake , mbeca iria cikuiritwe ciaiirwe ni mwiritu wake wa wira.
Kuringana na rivoti ya maavitha a vorithi mwiritu uyu niwatorokire vuva wa giko giki nwati aikua ngono na gukinyua igotiri varia areganire na gukorwa aiire mbeca icio .
Kiumo kimwe kiugite OCS uyu aiirwe ngiri magana 917,000 iria aigite nyombari yake nwati Kanori agicokia ciuria cia andiki a movoro augire aiirwe ngiri magana mathatu ni mwiritu wake wa wira , na iria aiigite nyomba yake na mbeca ino ciari bail ya mbeca varivari , na aiigite nyomba nitondu station ya vorithi niyathodekagwa uceru.
Wanja wa Njiru
Mbica irutitwe online
