Speaker wa mbunge ya vururi Justin Muturi umunthi uyu niugite niurenda gukaruira giturwa kia urais thiini wa ithurano cia mwaka wa 2022.
Muturi uria uratwirwe mwaria wa ngwataniro ya Gikuyu, Embu na Meru (GEMA), kunari uguo ndaugite kiama kiria agatumira kuruira giturwa giki.
Augite ari na umenyo mwingi muno wa utongoria na koguo gutongoria vururi ungikorwa uri undu muvuthu kuri ke.
Akiariria atongoria a ndini muciiri gwake Kanyuambora gicigo kia Mbeere ya iguru kauntiri ya Embu, Muturi niwonanitie witikio munene muno wa gwikarira giti giki.
Auritie atongoria ama a ndini kumuvoera niguo ooce giturwa giki kuma kuri rais Uhuru Kenyatta. Itanya riake rinene muno ni gucokia mitugo miaro na na wigiririki thiini wa kurungamirirwa kwa utonga wa vururi uyu niguo gukuria Kenya na njira iria yagiririkite.
Mbica irutitwe online