Andu aria monekanite na murimu wa covid-19 kuma mundu wa mbere kwonekana naguo mweri wa kathatu mwaka muthiri ni andu 185, 591 vuva wa andu engi 531 kwonekana na murimu uyu umunthi.
Arwaru ama monekanite vuva wa ithimi 8,154 na riu ithimi iria ciikitwe kuma mwaka muthiri ni 1,978,155.
Minister wa ugima wa mwiri Mutahi Kagwe augite uria munini muno ni mwana wa mwaka umwe nake uria mukuru muno ari na miaka 93. Akenya umunthi uyu ni 515 namo 16 maunite nja ya vururi, anduarume ni 274 namo atumia mari 257.
Kaunti ya Nairobi niyo itongoretie na arwaru 185, Uasin Gishu 43, Busia 38, Kiambu 30, Siaya, Kilifi, Nakuru na 28 wa kaunti, Kisumu 24, Migori 20, Kakamega 14, Nyamira na Kericho 12 wa kaunti, Homa Bay 9, Kajiado 6, Laikipia na Vihiga 5 wa kaunti.
Kisii, Kwale, Taita Taveta, Nyandarua na Murang’a 4 wa kanutiu, Baringo, Kitui, Machakos, Meru na Turkana 3 wa kaunti, Bomet na Bungoma 2 wa kaunti nacio kaunti cia Kirinyaga, Mombasa, Narok, Nyeri na West Pokot umwe wa kaunti.
Undu wa kieva ni ati andu 20 nimatoretue ni king’oki giki na gukinyia ikuu vururiri gukorwa iri 3,671.
Wavo Mutahi niwaniririte kuvora kwa arwaru 276, varia 151 marari muvangori wa kurorererua mari micii namo 125 marari civitariri itiganite vururiri. Namba ya aria mavorete riu ni 126,956.
Mbica irutitwe online
